Çatdırılma və quraşdırılma

“Texnomart” Mağazalar Şəbəkəsi olaraq, aldığınız böyük ölçülü malların çatdırılması və quraşdırılması tərəfimizdən ödənişsiz olaraq həyata keçirilir.

Qeyd etmək istərdik ki, mağazalarımıza yaxınlaşmağınız və ya onlayn şəkildə məhsul əldə etməyinizdən asılı olmayaraq tərəfimizdən qoyulan şərtlər dəyişməz qalır. Məhsulun sizin ünvanınıza ən qısa zamanda, təhlükəsiz şəkildə çatdırılması və quraşdırılması üçün “Texnomart” ailəsi olaraq əlimizdən gələnin ən yaxşısını etməyə hər zaman hazırıq.

BİZİ SEÇDİYİNİZ ÜÇÜN TƏŞƏKKÜRLƏR!

 

Çatdırılma

Sifarişini onlayn şəkildə edən müştərinin məhsul üçün ödənişinin istər nağd, istər taksit, istərsə də kredit yolu ilə həyata keçirilməsindən asılı olmadan* bütün Azərbaycan ərazisinə çatdırılma pulsuz həyata keçirilir.

Etdiyiniz sifariş onlayn satış təmsilçisinin zəng edərək məhsulu adınıza rəsmiləşdirdiyi andan etibarən aktivləşir. Bakı şəhəri daxili və ya bölgələrdən etdiyiniz sifarişlər maksimum 2 iş günü ərzində qeyd etdiyiniz ünvana çatdırılır. Kampaniya müddətində sifarişlər 3 iş günü ərzində müştəriyə çatdırıla bilər.

“Texnomart” əməkdaşları müştərilərlə birbaşa əlaqə saxlayaraq uyğun zaman ərzində məhsulu ünvana gətirir. Məhsul yalnız alıcının bilavasitə iştirakı ilə yoxlanıldıqdan sonra ona təhvil verilir.

Çatdırılan məhsul onlayn alış edən müştərinin özünə və ya onun öncədən qeyd etdiyi digər bir şəxsə verilə bilər. Hissəli alış zamanı sifariş ünvana çatdırılan zaman müştəridən şəxsiyyət vəsiqəsini təqdim etməsi və eyni zamanda çatdırılma qəbzini (onlayn kredit olduğu halda müqaviləni) imzalaması tələb olunur.

*50 AZN-dək olan məhsulların çatdırılma rüsumu 3 AZN-dir.

 

Quraşdırılma

“Texnomart” tərəfindən ödənişsiz olaraq həyata keçirilən quraşdırılma prosesi də Azərbaycanın bütün rayon və şəhərlərində keçərlidir.

Paltaryuyan və qabyuyanların quraşdırılması Bakı şəhəri daxilində çatdırılmadan sonrakı 1 gün ərzində, bölgələrdə isə 3 gün ərzində həyata keçirilir.

Kondisionerlərin quraşdırılması Bakı şəhəri daxilində çatdırılmadan sonrakı 1 gün ərzində, bölgələrdə isə 3 gün ərzində yerinə yetirilir. Yay fəslində bu müddət 5 gün də təşkil edə bilər.

Paltaryuyan və qabyuyanlar üçün quraşdırılmadan öncə, müştəri tərəfindən elektrik xətti və yuvası, həmçinin, su xətti, xüsusi arko tipli kran və çirkab sular üçün xüsusi xətt təmin edilməlidir.

Kondisionerlər üçün standart quraşdırılmaya daxildir: 2 metrədək mis borular, izolyasiya və elektrik xətti, həmçinin, xarici blok üçün kronşteyn. Məsafə 2 metrdən çox olarsa, müştəri hər metrə görə əlavə ödəniş etməlidir. Bundan başqa standart quraşdırılma zamanı divarda boru üçün bir dəlik açılır, əlavə dəliyin açılması ödənişlidir. Dəliyin açılması daş və kərpic divarda 1 metrədək, beton divarda isə 20 santimetrədək ödənişsizdir. Qeyd edək ki, quraşdırılma zamanı qaldırıcı kran və ya digər xüsusi avadanlıq ehtiyacı yaranarsa bu, müştəri tərəfindən təmin edilməli və ya əlavə ödəniş olunmalıdır.

Quraşdırılmalar həftəiçi 1-5-ci günlər saat 09:00-dan 18:00-dək, şənbə günü isə 10:00-15:00 aralığında həyata keçirilir.