Monobloklar

Monoblokların da digər kompüter növləri kimi müsbət xüsusiyyətləri çoxluq təşkil edir. Monoblok kompüterlərin əsas fərqli cəhəti adından da göründüyü kimi sistem blokunun olmamasındadır. Kompüter yalnız monitordan ibarətdir, əlavə olaraq klaviatura və siçan aksesuarlarını özündə birləşdirir. Bu masaüstü kompüterlərin monitoru digərlərininkindən bütün komponentləri özündə birləşdirdiyinə görə fərqlənir. Ana plata, SSD, RAM, video kart və s. digər komponentlərin hamısı əlavə keys olan sistem blokda deyil, monitorun arxasına yerləşdirilir. Monitorun korpusuna isə CD disk yuvası, USB, AUX, HDMI və digər portlar quraşdırılır. Ən çox yayılmış və dəbdə olan məşhur monoblok kompüteri Apple şirkətinin istehsal etdiyi “IMac”lardır. Bu kompüterin gücünə görə ondan dizaynerlər və qrafik proqramlarla çalışanlar istifadə edirlər.